கறுப்பு விளக்கும் கலர்ஃபுல் காட்சிகளும்...

தலைப்பப் பாத்ததும் இது ஏதோ 'சிவப்பு விளக்கு' மாதிரி குஜாலா இருக்கும்ன்னு நினைச்சா அது தவறு..
அவங்களுக்கு இது விசயமல்ல...
ச்சும்மா ஒரு எச்சரிக்கை தான்..
:-)

கறுப்பு விளக்குன்னா என்னான்னு ஒரு சிறிய விளக்கம் இங்கு தரலாம்ன்னு நினைக்கிறேன்...
ரொம்பப் பெருசா இருந்தாலும் வாசிக்க போரடிக்கும்ல..
அதான்..
எல்லோரும் என்னை மாதிரி தான்னு எனக்கு தெரியுமப்பா...
:-)

அதிகமா இரவு நிகழ்ச்சிகள், ஹொரர் ஹவுஸ் போன்றவற்றில் நீங்கள் இது பார்த்திருக்கக்கூடும்...
இருட்டான அறையில சிலர் பல வண்ணங்களில் அடையாளங்களிட்டு எமக்கு வேடிக்கை காட்டுவது புதுமையாக இருக்கும்...
ஆங்கிலத்துல இதை Black Lightன்னு சொல்லுவாங்க...
இது சாதரண புளோரொளிர்வு (Fluorescent) விளக்குகள் மாதிரி தோன்றினாலும் அவற்றிலிருந்து இது வித்தியாசம்...



ஒரு சாதாரண இருட்டு அறையில் இந்த கறுப்பு விளக்கை நீங்க ஆன் பண்ணா அதுல இருந்து ஒரு பிரகாசமான ஊதா நிர ஒளி வருவது மட்டுமே கண்ணுக்கு தெரியும்.
ஆனா அதுல இருந்து கழியூதா ஒளி (Ultraviolet Light) வெளிவருவது சாதாரண மனிதக் கண்ணுக்கு தெரிவதில்லை...
இதுவே இதன் ரகசியம்...



மனிதக் கண்ணால் கட்புலனாகும் ஒளியை மட்டுமே பார்க்க முடியும்.
அது சிவப்பிலிருந்து ஊதா வரி செல்லும்..
ஊதாவுக்கு அடுத்து கழியூதாக் கதிர்கள் காணப்படும்...
ஒரு கறுப்பு விளக்கிலிருந்து இந்த கதிர்களே வரும்...


ஒரு கறுப்பு விளக்கின் முன்னிலையில் நாம் காண்பது பொஸ்பர்ஸ் (Phosphors) துணிக்கைகள் ஆகும்...

பொஸ்பர் என்ன செய்யும்?

எந்த கதிர்ப்பு அதன் மேல் விழுந்தாலும் அந்த கதிர்ப்பை கட்புலனாகும் ஒளியாக மாற்றும்..
இதன் விளைவாக அது எமது கண்ணுக்கு தெளிவாக தெரியும்...

ஹொரர் ஹவுஸில் இருக்கும் மனிதர்கள் என்ன செய்வார்கள்???

தமது உடலில் இந்த பொஸ்பர் துணிக்கைகளை பூசிக் கொண்டு வந்து நிற்பார்கள்...
இந்த கறுப்பு விளக்கு போடப்பட்டதும் அதிலிருந்து வரும் கழியூதாக் கதிர்களை கண்ணுக்கு புலப்படும் ஒளியாக மாற்றும்..
இதனால் அவர்கள் தமது உடலில் பொஸ்பர் துணிக்கையால் பூசிய அடையாளங்கள் எமக்கு தெரிகிறது...
இவ்வளவு தான் மேட்டர்...

தகவல், படங்கள் நன்றி - www.howstuffworks.com

அடுத்த பதிவுல சந்திக்கலாம்...
வர்ட்டாஆஆஆ...
டாட்டா..
பை பை...
.